Sarampu

Ministerio Saude liu husi Komisaun Nasional ba kontrola Moras surtu Ka Outbreak (CNCM-Surtu) relata katak numeru sarampu aumenta makas iha semana hirak ne'e.


Sinal husi Moras Sarampu ka Campak mak hanesan:


Mosu Kafuak mean iha labarik nia isin lolon no provoka isin manas. Wainhira ita la kuidadu didi'ak labarik nia Saude labarik neebe afektadu ba moras sarampu bele hetan moras, Nutrisaun ladi'ak no dalaruma mos bele hamate.

                       
Moras sarampu bele daet lalais husi labarik ida ba labarik seluk wainhira sira besik malu. Tanba ne'e, Favor ita bele fo atensaun katak:

 

  • Labarik nebe de'it mak isin manas ho musan mean iha isin, Favor lori lalais ba klinika ne'e besik ka Ospital hodi hetan tramentu Urjente.

 

  • Ministerio Saude sei organiza hodi fo imunizasaun iha teritoriu laran tomak ba labarik ne'ebe ho idade fulan 6 too 14. Husu ba inan aman sira nia responsabilidade atu bele lori oan sira ba simu imunizasaun.

 

  • Bainhira doutor diagnosa no dehan katak ita boot nia oan hetan sarampu, Favor labele husik nia ba iskola durante semana ida, Hodi prevene atu moras ne'e labele da'et hikas ba labarik selukObrigado ba ita boot sira nia atensaun no kolaborasaun ho Ministrio da Saude hodi prevene moras Sarampu husi labarik hotu iha Timor Leste.


    LABARIK HOTU PRESIJA HETAN IMUNIZASAUN HASORU SARAMPU

    Moras sarampo moras ida perigu tebes mak bele oho labarik sira. Moras sarampo ne'e mai husi virus ida mak bele daet Lalais ba ema.


    Labarik ida mak moras sarampo iha sinal hirak hanesan: mosu kafuak mean iha labarik nia isin tomak, isin manas, inus metin,matan mean no mear. Komplikasaun moras sarampo ne'e bele halo infesaun matan, tilun, ibun no pneumonia e bele oho labarik. Atu prevene moras sarampo la bele daet, labarik hotu fulan 6 to'o tinan sanulu rein hat tenki simu vasina hasoru moras sarampo durante Kampanha  Imunizasaun.


    ProtejeLabarik Timor Oan
    Husi Moras Sarampo

     

Image: