Diskursu Diretor Geral Ministeriu saude iha celebrasaun loron mundia foinsae "Hatudu o nia domin ho reponsabilidade".

Hodi ministeriu saude nia naran, hau haksolok tebes bele hamutuk iha nee hodi selebra loron valentine’s day ho joven sira. Tema ba tinan ida nee mak “ Hatudu O Nia Domin ho Responsabilidade”. Objektitvu ba celebrasaun ida nee mak atu fahe imformasaun ba malu no hasae joven sira nia kunhesimentu konaba saude reprudutiva.

Joven sira mak futuru nasaun nian ho ita presija tau prioridade ba nia ben estar. Sira mos iha nesesidade spesifiku tamba sira iha tempu bele vulnerabel no risku posibilidade bele imfeta ho moras hadaet liu husi relasaun seksual ka aat liu SIDA no isin rua ho idade kiik. Tanba sa ida nee akontese? Tamba sira tauk ka moe atu buka imformasaun ka sira la hatene atu asesu ba imformasaun iha nebe no asistensia servisu ka dalaruma sira hetan esperiensia nebe aat bainhira sira iha korajen atu ba.

Bazeia ba survey saude demografiku ( DHS 2009-10 ) joven sira sai hanesan parte populasaun Timor nian 60 % mak idade menus 30 no 24 idade entre 15-29 sira nia konhesimentu konaba HIV/SIDA menus los. 12 % joven feto idade 15-29 no mane 21 % mak iha konhesimentu komprensivu konaba HIV/SIDA. No 7 % joven feto idade entre 15-29 sai inan ba primeira ves. Atu responde ba kestaun nee, Ministeriu saude hamutuk ho ministeriu edukasaun no parseiru dezinvolvimentu UNFPA lansa tiha ona gia Nasional konaba provisaun ba servisu amigabel ba foinsae sira iha tinan kotuk no halo mos advokasia konaba saude reproduktiva ba estudante ensino sekundaria sira ( Publiku ka Privadu ) hanesan parte husi fahe imformasaun ba joven sira.

Caros estudante sira (Feto no Mane)
Loron ohin nee imi nia loron espesial. Bazeia ba tema iha leten : “Hatudu o nia domin ho responsabilidade” katak imi bele espresa imi nia domin hanesan joven maibe imi mos tenki iha responsabilidade ba kada asaun no desijaun nebe mak imi foti/hili diak/aat ba imi nia moris. Labele haluha katak imi mak future nasaun nian no imi mak idade sei kiik, nee duni uja imi nia tempu ho diak atu bele estuda makas atu sai ema bele susesu. Karik balu husi imi loron ruma bele sai primeru ministru, Ministru ka diretores balun.
Marka prejensa iha cerimonia loron mundial foinsae nee mak, Diretor Geral, Reprejentante UNFPA, Reprejentante Ministeriu edukasaun, Estudantes husi São Miguel, Ko