Loron mundial lepra 28 Janeiru 2014 Iha timor leste

Diskursu SE Vice Ministra Saúde

Loron mundial lepra hanesan loron importante ida bolu atensaun ba mundu, no ba ita hotu atu relembra hikas fali ema sofre moras lepra ne’ebé hetan aleijadu moris kiak, terus, susar no mate. Tan ne’e tenki hapara diskriminasaun no estigmatigasaun social ba ema sira moras  lepra. Globalmente iha mundu tomak ema selebra loron mundial lepra iha semana ikus fulan janeiru hodi hanoin hikas sira ne’ebé sofre tempu naruk tan moras lepra ho nia konsiensia sira. Iha mundu lor-loron rejista ema moras lepra, tuir dadus organizasaun Saúde mundial fo sai iha nasaun barak kazu lepra rejista ema feto mane no labarik menus 14 anos kada tinan hetan atus no rihun ( 1000 ) ba leten hanesan : Brazil, India,  Gana, Congo, Bangladesh, Srilanka, Nepal no Indonesia.

Iha timor leste, Iha tinan 10 nia laran regista ema nain rihun rua hitu nulu resin lima (2.075) mak hetan moras lepra, husi numeru ne’ebé iha ema (1.795) 86 % hetan tratamentu no rekopera, 32 % hetan alizadu Grau 2 ne’ebé presija tulun. Husi numeru moras lepra hirak temi iha leten, iha distritu Oecusse mak rejista numeru kazu aas liu 45 % husi kazu nasional tuir distritu Dili, Baucau no distritu sira seluk.

Governu timor leste deklara ona eliminasaun leprta iha tinan 2010. Ho prevalensia 0,37/10.000 habitantes.
Maske deklara ona eliminasaun lepra iha nivel nasional maibe politika no estrategia Ministeriu Saúde iha V Governu konstitusional mak:
1. Kontinua ho programa nasional hodi mantein eliminasaun ba moras lepra iha distritu hot-hotu, partikularmente foka ba distritus ho prevalensia mais de 1/10.000   habitantes hanesan : Oecusse, no Dili.
2. Ministeriu Saúde kontinua kapasita komunidade atu iha konhesimentu diak konaba sintomas no tratamentu ba moras lepra ho nune’e sira beke buka serteja ba diagnostiku no tratamentu atempada.
3. Ministeriu Saúde  mos halao ona esforsu hodi eleva kapasidade teknika no gestaun profisionais Saúde iha nivel hotu ho nune’e bele halao detensaun Cedu no tratamentu tuir padraun prtatika hodi kura kazu lepra iha nivel hotu-hotu husi baze too Ospital Nasional.

Ho prevalensia lepra ne’ebé sei aas iha distriu oecusse 6/10.000 habitantes no ho razaun ne’e mak selebrasaun loron mundial lepra ohin loron ita selebra iha distritu oecusse hodi fo refleksaun mai ita hotu , Nudar Oecusse oan tenki kompromete atu liberta populasaun Oecusse husi moras lepra tan” Moras Lepra bele kura”. Tanba ne’e loron mundial ohin ba oin hau apela ba komponente hot-hotu (“ Atoni Buife) autoridade local, Administrador, Xefé Sukus, Aldeia, Estudantes, Voluntariu, no komunidades ne’ebé iha ona konhesimentu ou seidauk, Buka hatene sintomas moras lepra no ba sira ne’ebé oras ne’e dadaun sofre hela lepra labele haluha hakbesik aan ba profisionais Saúde no fasilidade Saúde ne’ebé besik ita boot sira hela fatin atu hetan tratamentu ne’ebé apropriadu.

Iha oportunidade ne’e hodi Ministeriu Saúde nia naran agradese TLML, OMS, no parseiru ne’ebé fo kontribuisaun ba moras Lepra iha timor leste.
Ikus liu mai ita kompromete hodi luta kontra moras lepra ho nune’e bele atinji eliminasaun no radikasaun moras lepra iha tinan sira tuir mai. Ba servidor Saúde sira, ita boot sira knar mak vokasaun atu detekta no fo korajen, seguransa no esperansa ba ita populasaun hodi lolo liman ba familia sira ho lepra liu husi vijita domilisiariu, fo tratamentu apropriadu, Akonselamentu, Akompanhamentu hodi alkansa mehi boot rekopera husi moras lepra. Obrigada


Vice Ministra Saúde Asuntu Etika no Prestasaun Servisu.