Rejumu Geral Notisias iha Jornais Nasionais Kinta 1 Fevereiro de 2013

"Governu Promete Kombate Malnutrisaun iha Timor leste"

Governu Konstitusional ba dala lima, lideradu Primeiru Ministru Kairala Xanana Gusmao, oras nee dadaun hela ho esforsu boot hodi kombate malnutrisaun iha Timor Leste.
Hau pesoal hetan orientasaun husi Primeiru Ministru mai reprejenta nia hatudu katak, Governu fo atensaun makas ba ida nee” esplika vice Primeiru Ministru Fernando Lasama de Araujo ba jornalista iha hotel timor.
Nunee mos lasama dehan atu kombate malnutrisaun iha rai laran ema ida-idak mak tenki obdese hodi servisu fo neon ho laran. “ servisu ho responsabilidade  laos servisu formal ba servisu deit lae.

MALNUTRISAUN IHA TIMOR LESTE 58 %

Tuir estatistika ajensia ONU nian (UNICEF) katak, fenomena malnutrisaun iha timor leste sae ba 58 % ho persentazen nee hatuur Timor Leste nudar nasaun nebe terseiru iha asziatiku mak moris iha malnutrisaun nia laran.
Malnutrisaun nee afeta makas ba povu kbiit laek sira nia oan iha teritoriu laran tomak tamba la consume hahan nebe ho nutrisaun.
Vice Primeiru Ministru Fernando Lasama de Araujo, rekonhese katak malnutrisaun sei sai nafatin problema boot iha teritorio laran tamba labarik barak mak liman lotuk, Ain Lotuk, kabun tek maran.
Hau fo ona atensaun ba Ministru Saude Sergio Lobo ho ninia vice nain rua inkluindu diretores ho staff sira atu nunee servisu makas liutan hodi redus no halo prevensaun ba numeru pursentu malnutrisaun iha timor leste.” Afirma lasama iha ninia diskursu wainhira halao abertura sorumutu validasaun revizaun estratejiku Nasional nutrisaun iha Hotel Timor Kuarta 30/01/13.
Lasama hatutan dalaruma planu servisu seidauk lao loos no focus ba servisu loloos nunee malnutrisaun sei aas nafatin no sai hanesan problema boot iha timor leste.
Fernando Lasama imforma apoiu politiku no financeiru mak importante atu implementa planu estratejia nutrisaun tamba Tamba V Governu sei fo atensaun makas ba malnutrisaun iha timor leste.
Hau hakarak bolu atensaun ba aprosimasaun multi sektoral nebe presija involvement no kordenasaun husi seitor hot-hotu hanesan agrikultura, Edukasaun, Saude atu servisu hamutuk hodi kombate malnutrisaun iha Timor Leste.
Ministru saude Sergio Lobo hateten kauza boot nebe hamosu malnutrisaun, Kuida labarik no fo han labarik nebe la loos mak predominante metade 53 % husi labarik kiik sira too idade fulan neen mak susu ben kinur inan nia ho esklusivu.
Sergio Lobo sublinha 30 % deit husi labarik fulan 6 too fulan 23 mak simu hahan adisional iha tempu nebe loloos tamba kestaun aihan famila nian nebe la naton fornesementu saude nebe sei fraku ambiente nebe la saudavel mos bele halo problema malnutrisaun sei komplikadu.
Reprejentante UNICEF Hong Wey Gau saude no nutrisaun diak mak fundamental ba labarik sira nia kresimentu nomos dezinvolvimentu capital umanu nasaun nian.
Prevalensia malnutrisaun inan ho oan inklui difisiente mikronutrisaun iha timor leste ass tebes nebe bazeia ba demografika servey saude iha tinan 2009/2010, labarik neen husi 10 (58%) mak hetan badak liu ka hetan malnutrisaun kroniku no 19 labarik mak hetan nutrisaun Aguda krekas liu no 45 % mak todan la too. Dario MoH