KOMUNIKADU IMPRENSA " Lider sira Diskuti Estratejia Nasional Nutrisaun".

 

Dili, 30 Janeiru 2013. Ministeriu Saúde, hamutuk ho UNICEF no ejensia nasional no internasional sira seluk, ohin loron loke ona soru-mutu loron rua validasaun Estratejia Nasional Nutrisaun iha Hotel Timor.  Soru-mutu loron rua ne’e involve parseiru nasional no internasional atu revee no finaliza Estratejia Nutrisaun Nasional periodu 2013–2017 ba Timor-Leste. Soru-mutu ne’e ofisialmente loke husi Presidente Taur Matan Ruak no Vice Primeiru Ministru Fernando Lasama de Araujo.

“Pratika kuida labarik husi familia sira sei hetan influenza makaas husi kultura differente. Ita presija aumenta susu-been inan esklusivu ba bebe sira ne’ebe idade fulan 6 mai kraik no fo tuir oras ne’ebe lo-loos ba bebe no ba labarik kiik sira, halao prátika ijiene ne’ebe diak ba labarik kiik sira. Prevensaun mak xave, maibe buka kedas asistensia imediatemente wainhira labarik moras tenke mós hadia”, Presidente Taur Matan Ruak hateten.

 

Vice Primeiru Ministru Lasama hateten katak apoiu polítika no finanseiru mak importante liu atu implementa estratejia nutrisaun ne’e. “Governu ida ne’e fo atensaun makaas atu reduz malnutrisaun. Governu sei fornese fundus espesial ba nutrisaun, inklui mós saúde” nia hateten. “Hau hakarak bolu atensaun ba aproximasaun multi-sektorál, ne’ebe presija involvement no kordenasaun husi setór hot-hotu hanesan agrikultura, saúde, edukasaun no saneamentu, atu serbisu hamutuk resolve malnutrisaun iha nasaun ne’e.”

“Kauza boot ne’ebe hamosu malnutrisaun, kuida labarik no fo han labarik ne’ebe la loos mak predominante metade (53%) husi labarik kiik sira to’o idade fulan nen mak simu susu-been inan esklusivu, no 30% deit husi labarik idade fulan 6–fulan 23 mak simu hahan adisional iha tempu ne’ebe lo-loos. Kestaun kona-ba ai-han familia nian ne’ebe la natoon no fornesementu saúde ne’ebe sei fraku, ambiente ne’ebe la saudavel mós bele halo problema malnutrisaun sai komplikadu”, Ministru Saúde Dr. Sergio Lobo dehan.

 

Ministru Lobo mós hateten katak evidensia sujere maka’as katak nutrisaun diak durante loron 1000 durante inan-aman hasoru malu (conception) to’o labarik selebra nia tinan ba dala rua nian mak “janela importante’ ba tempu atu proteje no promove saúde labarik nian. Liu husi preparasaun nutrisaun diak durante periudu ne’e, mak ita bele reduz risku ba infesaun, moras oi-oin no mate durante tempu labarik no fundasaun ba labarik atu atinji nia potensia tomak bele realiza. Ne’e signifika mós katak atu fo atensaun makaas liu tan ba feto sira nia nutrisaun wainhira ita hakarak hakotu siklu malnutrisaun.
“Saúde no nutrisaun diak mak fundamental ba labarik sira nia kresimentu no mós ba dezenvolvimentu kapital úmanu nasaun nian. UNICEF suporta ona no sei kontinua apoia programa saúde no nutrisaun ba labarik sira, liu husi aprosimasaun multi-sektorál,” Representativa UNICEF Sra Hongwei Gao hateten.

Prevelensia malnutrisaun inan no oan inklui dificiensi mikronutriente iha Timor-Leste ass teb-tebes. Bazeia ba Survey Saúde Domografia Timor-Leste 2009-2010, labarik nen husi 10 (58%) mak badak-liu ka hetan malnutrisaun króniku, e 19% labarik mak hetan acute malnutrisaun ka krekas-liu no 45% mak todan la to’o.
Soru-mutu ne’e sei fornese matadalan no estrategia klaru atu hametin mekanismu kordenasaun no koperasaun ho knaar no responsabilidade klaru husi ministeriu relevantes.

 

----Remata----


Ba informasaun kompletu, bele kontakta:
Carinton Salazar, Media Officer, Ministeriu Saúde (Tetum)
Hp. 77127868, e-mail: carinton.salazar@moh.gov.tl

 

João Bosco, Xefi Departementu Nutrisaun, Ministeriu Saúde (Tetum),
Hp. 7706 1175, e-mail: jboscodacosta@gmail.com

Mary Ann Maglipon, Espesialista Komunikasaun, UNICEF Timor-Leste (Inglês)
Hp. 7723 1103, e-mail: mmaglipon@unicef.org