Cerimonia Graduasaun no Juramentu Estudantes Medisina

Cerimonia Graduasaun no Juramentu Estudantes Medisina, Parteiras no Imfermeirus Timor Leste, iha sabadu semana kotuk 19 Novembru 2011. hetan partisipasaun masimu husi, Ministru saude Prof. Dr. Nelson Martins, MD,MHM,PhD, Prof. Dr. Aurelio Guterres Reitor UNTL, Dr. Marii Bin Amude Alkatiri eis Primeru Ministru I Goveru Konstitusional, Dr. Joao Martins, Dekanu fakulidade Medisina no siensia saudeUNTL, Eis Vice Ministru saude,  Ministru edukasaun Dr. Joao Cansio Freitas reprejenta Vice Primeru Minisru IV Governu Konstitusional. Korpus Diplomatikus, Estruturas UNTL, Ministeriu saude, inan Aman no sel-seluktan.

 

Prof. Dr. Nelson Martins iha ninia diskursu hateten ohin loron hanesan orgulhu boot ida ba ita hotu no loron ida nee especial tebes ba ministeriu saude tamba. Ohin ministeriu saude marka taan istoria foun no boot mak Ministeriu saude halo taan graduasaun ba estudantes Parteiras, No imfermeirus nee hanesan primeira ves iha timor leste.

Universidade Nasional Timor Loro Sae UNTL servisu hamutuk ho Ministeriu saude halo ona graduasaun datoluk mak primeiru halo graduasaun ba estudante nain sanulu resin walu (18), segundu nain walu nee mak iha ambitu koperasaun ho Governu cuba no halo estagiu final iha Timor Loro sa'e. graduasaun ba datoluk halao husi eskola superior medisina no imfermeiru no parteiras sai hanesan produtu rai laran ne'e signifika katak ita timor oan mak sai duni mestri ba ita maluk no hanesan servidor ba ita nia nasaun rasik.

 

Juramentu Hipokratiku ba estudante Medisina nain lima nulu resin haat (54) lisensiatura Mediku Geral Baziku, no juramentu Florence Nightingale ba estudante tolu nulu resin nen (36) basarelato Infarmazen no tolu nulu resin hitu (37) basarelato Parteiras. Hamutuk atus ida rua nulu resin hitu (127) Profesionais saude foun ne'ebe pronto ona halo servisu iha kualker tempu neebe Governu presija.

Ida nee hanesan orgulhu boot ida atu ita hotu, Governu no Estadu direitu Demokratiku ida nee. esforsu boot nebe  nai ulun sira husi I Governu Konstitusional to ohin loron halao ohin ita hare duni ninia rejultadu nebe diak mesmu atravesa difikulidades dezafius nee barak no boot tebes.

 

Entretantu Reitor UNTL iha ninia Diskursu hateten, Ohin universidade husik ona ninia estudante sira fila fali ba sociadade no odamatan Universidade sei la taka ba se nee. Nebe iha bontade hakarak kontinua atu hasai ninia Majestradu no doutoramentu.

Prof. Aurelio hatutan dezafiu iha akademiku imi liu tiha ona buat barak maibe agora dezafiu foun neebe imi sei imfrenta mak oinsa imi moris hamutuk ho ita nia sociadade. MOH

Image: