Latest News

KOMUNIKADU IMPRENSA " Lider sira Diskuti Estratejia Nasional Nutrisaun".

 

Dili, 30 Janeiru 2013. Ministeriu Saúde, hamutuk ho UNICEF no ejensia nasional no internasional sira seluk, ohin loron loke ona soru-mutu loron rua validasaun Estratejia Nasional Nutrisaun iha Hotel Timor.  Soru-mutu loron rua ne’e involve parseiru nasional no internasional atu revee no finaliza Estratejia Nutrisaun Nasional periodu 2013–2017 ba Timor-Leste. Soru-mutu ne’e ofisialmente loke husi Presidente Taur Matan Ruak no Vice Primeiru Ministru Fernando Lasama de Araujo.

“Pratika kuida labarik husi familia sira sei hetan influenza makaas husi kultura differente. Ita presija aumenta susu-been inan esklusivu ba bebe sira ne’ebe idade fulan 6 mai kraik no fo tuir oras ne’ebe lo-loos ba bebe no ba labarik kiik sira, halao prátika ijiene ne’ebe diak ba labarik kiik sira. Prevensaun mak xave, maibe buka kedas asistensia imediatemente wainhira labarik moras tenke mós hadia”, Presidente Taur Matan Ruak hateten.

 

Vice Primeiru Ministru Lasama hateten katak apoiu polítika no finanseiru mak importante liu atu implementa estratejia nutrisaun ne’e. “Governu ida ne’e fo atensaun makaas atu reduz malnutrisaun. Governu sei fornese fundus espesial ba nutrisaun, inklui mós saúde” nia hateten. “Hau hakarak bolu atensaun ba aproximasaun multi-sektorál, ne’ebe presija involvement no kordenasaun husi setór hot-hotu hanesan agrikultura, saúde, edukasaun no saneamentu, atu serbisu hamutuk resolve malnutrisaun iha nasaun ne’e.”

FTH APOIU AIMORUK BA DROGADU

Atu ajuda drogadu sira hetan fali isin diak, Fundasaun Timor Hari FTH sei ajuda aimoruk ba drogadu nain sia nebe agora dadaun iha ona polisia nia liman.
“Ami iha ona planu atu ajuda fo aimoruk ba ema nain sia nebe polisia identifika ona Imforma Project officer Brigal Pereira iha ninia servisu fatin palapaco Dili, Sabadu 26/01.

Nia hateten oras nee sira nia parte sei tenta hela husu dadus husi polisia sira konaba identidade husi drogadu sira nee. Tuir nia liu husi dalan nee mak bele fasilita hodi fo aimoruk ba drogadu sira.

Pages